Real Time Web Analytics
Real Time Web Analytics

ෆෝරම් එකට සෙට්වෙන්න

සොයන්නාට සම්බවේ

Loading...

මම මේ වගේ

My Photo
ඉලංදාරියා
වෙන මොකුත් නැහැ..... මම හොද ඉලංදාරියෙක්..... දුක සතුට කදුනන කෙනෙක්... මේහැමදෙම වින්ද....... විදිනකෙනෙක්........ ජිවිතේ ගැන සරලව දකින්න පුරුදු උනකෙනෙක්......
View my complete profile
ඉලංදාරියා. Powered by Blogger.
Monday, July 19, 2010

PostHeaderIcon මදුරුවන්ට බුට් එක.........

ඉස්සෙල්ලම කියන්න ඕන මේකනම් මේ කට කහනවට කියන කතාවක් නෙවෙයි කියල. අපේ මුළු පවුලම පසුගිය ජූනි 23 වෙනිද ලංකාවට ආවෙ මගේ දුවගෙයි පුතාගෙයි ඉස්කෝලෙ සමර් එකට නිවාඩු දීපු නිසා. මෙහෙ ඉස්ස්කෝල වලට එක දිගට මාස දෙකක් විතර නිවාඩු දෙනව මොකද මේ කාලේ අවුරුද්දෙ රස්නම කාලේ නිසා. පිටත උෂ්නත්වය මේ දවස්වල c 50 පනිනවා.

ඒගොල්ලොත් එක්කම ලංකාවට ආවත් මට ආපහු එන්න උනේ එක දිගටම මට නිවාඩු ගන්න තිබුන අපහසුතාවය නිසා. ආපහු ඇවිල්ල ටික දවසයි ගියේ මගෙ බිරිඳ කතා කරල කිව්ව මගේ පොඩි පුතාට හොඳටම උණ කියල. එයා ඉක්මනටම පුතාව ආසිරි එකට ගෙනිහිල්ල බෙහෙත් අරගෙන ඇවිල්ල තිබුනා. දොස්තර නම් කියන්නෙ බය වෙන්න එපා දවස් තුනකින් උණ අඩු උනේ නැතිනම් ලේ ටෙස්ට් කරල බලන්න කියලා. කොහොමත් පහු ගිය දවස් දෙකේම රෑට සහලෝල උණ ගත්ත නිසා එයාගේ ලේ පරීක්ෂා කරල ඊයේ හවස. තුණුරුවන්ගේ පිහිටෙන් මගේ පුතාට ඩෙංගු වැලඳිලා නෑ. අදවෙනකොට පුතාගේ උණ හොඳටම වගේ හොඳ වෙලා. පහුගිය දවස්වල හිතේ තිබුන නොසන්සුන්කම ගැන නම් කියලා වැඩක් නැහැ.

පත්තරෙන් දැක්ක පහුගිය මාස කීපයට ලංකාවෙ ඩෙංගු වලින් 140 දෙනෙක් මිය ගිහිල්ල කියලා. ඒ වගේම ඊයෙ පෙරේද දෙහිවල පැත්තෙ අවුරුදු 5ක මලක් වගේ පොඩි පුතෙකුත්, මාතර පැත්තෙ අවුරුදු 14ක දියණියකුත් තවත් තරුණ වෛද්‍යවරියකුත් ඩෙංගු මාරයාට බිලි වෙලා. මේක කොතනින්ද නවතින්න යන්නෙ ?

මේත් එක්කම මට මතක් උනේ ටික කාලෙක ඉස්සෙල්ල ලැබිච්ච ඊ මේල් එකක තිබිච්ච ඩෙංගු ප්‍රතිකර්මයයි. ඒ තමා ගස්ලබු කොල ඉස්ම. පොඩ්ඩක් ගුගුල් කරල බලන්න මැලේසියාවෙ, පිලිපීනය වගේ රටවල් වල ඩෙංගු හැදිච්ච කීදෙනෙක් මේකෙන් සම්පූර්ණයෙන්ම හොඳ වෙලා තියෙනවද කියලා. ගිහිල්ල බලන්න ඒ ගොල්ලො තමන්ගෙ අත්දැකීම් දාල තියෙන හැටි !

මෙච්චර මේකෙන් පීඩා විඳින අපිට ඇයි මේක පාවිච්චි කරලා බලන්න බැරි ? ඕන තරං ගස්ලබු ගස් හොයා ගන්න පුළුවං අපේ රටේ ඇයි මේ ප්‍රතිකර්මය කරල බලන්නෙ නැත්තෙ ? මේක විද්‍යාණුකූලව ඔප්පු කරලා නැහැය කියලා යට ගහන්නෙ නැතිව ලෙඩාගේ ඇඟේ ප්‍රතිෂක්තිය හැදෙනකන්ය කියල මරණයට කැප කරන්නෙ නැතුව මෙ ගස් ලබු කොල ඉස්ම මේස හැන්දක් දෙකක් දීල මේ ජීවිතයක් බේර ගන්න බැරිද ?

කියවපු ඒ අත්දැකීම් වලට අනුව, ප්ලේටල් කවුන්ට් එක අඩු වෙච්ච අයට ගස්ලබු කොල ඉස්ම මේස හැඳි දෙකක් බීපු ගමන් නොහිතන විදිහට ප්ලේටල් කවුන්ට් එක වැඩි වෙනවලු. ඒ වගේම උණත් සීග්‍රයෙන් බැහැල යනවලු.

ගස්ලබු කොල ඉස්ම හදාගන්න පුළුවන් මේ විදිහට,

1) ගස්ලබු කොල දෙකක් ගන්න.
2) ඒවා පිරිසුදු වතුරෙන් පමනක් හෝදාගන්න.
3) ඒවායේ නාරටි, දඬු වගේ දේවල් ඉවත් කර කොලය පමනක් සූරා ගන්න.
4) එම කොල ටික පොඩි බෙහෙත් වංගෙඩියකට හෝ එවැනි දෙයක් භාවිතා කර හොඳින් තලා ගන්න.
5) ඉන්පසු පිරිසුදු රෙදි කැබැල්ලක් භාවිතා කර ඉස්ම බේරා ගන්න.

මේ ආකාරයට ගස්ලබු කොල ඉස්ම මේස හැඳි දෙකක් පමණ සාදා ගත හැකි යැයි පවසණු ලබනවා. එය රෝගියාට උදේ හවස දීමෙන් ඩෙංගු රෝගීන්ව ඉක්මනටම සුවපත් කල හැකි වේ යැයි පැවසෙනවා.

දන්න හඳුනන කාට හරි ඩෙංගු හැදිල නම්, මේ ප්‍රතිකර්මය කරලා බලමුද ? සාර්ථක උනොත් කීදෙනෙක්ගෙ ජීවිත බේරගන්න පුළුවං වෙයිද ?

කවුරු හරි දැනටමත් මේක අත්හදා බලල තියෙනවනම් තමන්ගේ අත්දැකීමත් මේකට දානවද කරුණාකරල ?


අපි සිංහල බ්ලොග් ලියන අය හැටියට මේක කැම්පේන් කරමුද ? අපි හැම එක්කෙනාම මේ බෙහෙත ගැන තමන්ගෙ බ්ලොග් එකේ පෝස්ට් එකක් දැම්මොත් තව වැඩිපුර එක්කෙනෙක් හැරි ඒක දැකල ජීවිතයක් බේරුනොත් කොච්චර හොඳයිද ? දාමුද හැම එක්කෙනාම මේක ගැන පෝස්ට් එකක්. මගෙ පෝස්ට් එකෙන් ඕන දෙයක් පිටපත් කරගන්න. අපි සමාජය දැනුවත් කරමු කරුණාකරල.

බී.අයි.ටී හරි , මදුරු තෙල් හරි ගහනකන් බලාගෙන ඉන්නෙ නැතිව අපිට ජීවිත කීපයක් හරි බේරගන්න පුළුවං උනෝතින් ඒක තමා සිංහල බ්ලොග් කරුවන් විදිහට අපිට කරන්න පුළුවං ලොකුම සද්කාරිය.

9 comments:

Anonymous said...

අපේ සෞඛ්‍ය ඇමතියගේ ඉඳල අනික් හැම එකාම බලාගෙන ඉනනේ සල්ලි වියදම් කරල පිටරටින් මොනව හරි ගෙනත් අපේ හරක්ට දෙන්නනේ. ලංකාවේ තියෙන දේවල් වලින් කීයෙන් කී දෙනාද ප්‍රයෝජනයක් ගන්නේ. ආයුර්වේද වෛද්‍ය ක්‍රමයේත් ගොඩක් බෙහෙත් වර්ග තියෙනව නේද?

Shadow/හේමලයා said...

ගස්ලබු වලින් කොමිස් ගන්න ක්‍රමයක් හොයාගන්න තුරු වෙන්න ඇති නිලලත් කට්ටිය කල්මරන්නේ...:(..

punchisamanalee said...

සමනලීත් ඔය ගස්ලබු කතාව දැක්කා.... අපේ රටේ ඉතින් කොමිටි පත් කරලා, වාර්තා ලියලා ඕවා අනුමත වෙනකොට ඉතින් පෙරහැර ගිහින් අයියේ....

ඒ වගේම සමනලීගේ යාලුවෙක් කීව තවත් බෙහෙතක් ගැන කියන්නම්... මේක ඒ යාලුවගේ අම්මා කිව එකක් (ඒ අම්මා හෙදියක්)
කොත්තමල්ලි වලටත් ප්ලේට්ලට් අඩුනොවී පවත්වාගන්න පුලුවන්ලු. මේ වෙද්දි ඒ අම්මා වැඩ කරන රෝහලේ ඩෙංගු හැදුනු රෝහල් සේවකයන් මේ කොත්තමල්ලි ප්‍රතිකාරෙන් ප්ලේට්ලට් මට්ටම රැකගෙන ජීවිත බේරාගෙන තියෙනවා

Anonymous said...

http://www.lankadeepa.lk/2010/07/18/front_news/04.htm
අපේ මිනිස්සුන්ට වෙලා තියෙන හෙනේ තමයි මොනදේ කරන්න ගියත් තමන්ගෙ දේශපාලන වයිරය තමා පිරිමහගන්න හදන්නෙ. කොපමන හොඳ අදහසක්ද මේ ලිපියෙන් දීල තියෙන්නෙ කියල කතා කරන්නෙ නැතිව තමන්ගෙ කුහක දේශපාලනය තමයි මේ දාල තියෙන කොමෙන්ට් වලින් පෙන්වන්නෙ. මම හිතන්නෙනම් ඔබ ඉතම කාලොචිත අදහසක් මේ ජාතික අපදා වෙලාවෙ අප සමාජයට දීල තියෙන්නෙ. ඔබට ස්තුතියි. අද ලංකාදීප පත්‍රයෙත් ඒ වාගෙ නිව්ස් එකක් තිබුන. ඒකත් බලන්න.

ගීත් (සහෘදයා) said...

වටිනා ලිපියක්

මැණික්(සුළඟ) said...

හොඳ ලිපියක්. මීට පෙර මටත් මේ ප්‍රතිකර්මය ගැන දැන ගන්න ලැබුනා.

පිස්සා පලාමල්ල said...

වටිනා ලිපියක්. දුමීටයි උබටයි දෙන්නටම ස්තුතියි.

Ruwan bhagya said...

ela ela macho...

ඉලංදාරියා said...

මෙහි සියලුම ප්‍රසාදයන් දුමීට අයිතිවිය යුතුය

මිතුරු දිරිය

ඉලංදාරියාව හොයන්

IP
get yours here

කියවගන්න අමාරුනම් +++

Get This